بخصوص الداخلي و الخارجي .. الخارجي معروف اللي هو بيكون جوه الفيتيس اما الداخلي بيكون في حاجه اسمها

"torque converter"

و عندنا بيقولو عليها القربه و دي بديل اسطوانة الدبرياج في العربيات المانيوال و دي عباره عن توربينات في حمام زيت و متقدرش تفضيه الا لما تفك الفيتيس عن الموتور وتطلع القربه اللي بتكون راكبه مابينهم وتصفيها بره العربيه ... وهي بالطبيعي بتاخد زيت من الفيتيس لكن لما بيتغير الزيت بيفضل فيها حوالي ٢ لتر مبينزلوش

(اضافة : احمد البك)

 

 

2. فتيس الميجان الاتوماتيك بياخد اي زيت فتيس بس بشرط يكون

dexron 3 .

الا لو معاك فلوس و هتجيب الزيت بتاعه السابق ذكره و تقريبا اللتر منه بـ 310 جنيه اذا وجد لان الموجود مضروب و بيبقي نفس الشكل كمان و نفس العلبه . 
وللعلم الاحمر مش بيعمل حاجه خالص و كويس جدا بس لازام يتغير كل فتره

 

ده لينك لتوضيح الفرق بين الارقام و ما هو ال

dexron

 

https://en.m.wikipedia.org/wiki/DEXRON

 

موضوع الزيت ده مهم لان اغلبيه المشاكل بتيجي منه . الفتيس اتصمم علشان يشتغل ب نوع الزيت ده . مع اختلاف الشركات المنتجه يعني توتال شيل والف كاسترول . اي نوع بس يكون dexron 3 .

 

 

 

3. اي حساس لي عمر افتراضي وبعده بيبدا يعطل . ده البني ادام بيمرض الحساسات مش هتعطل . فا لما اي سينسور من بتوع الفتيس يبوظوا لازم يتغير وهو مش بيبوظ كل شويا و لا حاجه . هو من الحساسات المعمره واحد اسباب انه يبوظ الزيت . توخو الحذر ف اختيار نوع الزيت .

 

4. تقريبا اغلبية الميجان بتضرب اويل سيل فتيس و ماتور ف طبيعي ان زيت الفتيس كل كام شهر يقل فا تزوده يعني انا بزود لتر كل 4 شهور من نفس النوع الي انا حاطه . زيت الماتور بينقص برضه بس نظرا انه بينزل كله فا محدش بيحس .

 

(من كتر العربيات الميجان الي الاويل سيل بتاعه ضارب انا توصلت لمعلومه من منتدي بريطاني ان لو مركبش الاصلي بتاعها مش هيكمل حاجه و هيضرب و ان اساسا الاويل سيل الي عندنا ف مصر كلها مضروب وعن تجربه . فا انا بنصح ان لو الزيت مش بيقل بطريقه سريعه سيب الوضع كما هو . اما لو بيقل سريعا غير بس هات الاويل سيل من التوكيل و مش من اي مكان تاني . علشان ترتاح احيانا التوفير ف حاجه بيخليها تفتح بوقها و بدل ما تعمله مره تعمله اتنين .)

 

طبعا للمعلومه .
الزيت الابيض : بيبقي تخليقي بالكامل و هو ده بتاع الفتيس و يكون

dexron matic 3

بس كل الانواع الي في مصر مضروبه . 
الاحمر : بيبقي شبه تخليقي و بيمشي عادي مع العربيه لكن هيتغير كل 80 الف كيلو او اقل .