يا جماعه اليوم كان عالمي الحمد لله ، الجو محصلش بالروعه ديه ولا شتاء ولا صيف، انا اول مره اروح اسماعيليه وطلعت روعه فعلا وناسها اروع وطلعت مش بعيده وحطلي خط يا ابني تحت كلمة مش بعيده ديه، الناس كانت ملتزمه التزام رهيب كله في الزمان والمكان وحتى الناس اللي كانت عالطريق كنت بلاقيهم بيدخلوا عالطابور كأننا بنلعب لعبة

snake

وكل شويه التعبان بيطول ما شاء الله يعني ماعدا عريسنا البني سويفي طبعا اللي جيه بعدينا بساعتين بس وده اكيد معاه عزره ، الناس كلها كانت مروقه عربياتها وده حدث في حد ذاته ؛ كل مره كنا بنقعد نمسح العربيات بسرعه عشان نطلع صوره نضيفه توحد ربنا، واحلى حاجه وجود الاسر والاطفال اللي نوروا الايفنت والله، وبرضه ومن موقفي هذا احب اقول لكل واحد مجبش مراته يا بختك يا ابن المحظوظه، نزلنا البحر ورمينا ابراهيم وسعفان بلبسه بس مقدرناش نشيل عامر وكوستا طلع يجري ،

 

اتعرفنا على ناس جديده عالمقابلات وفعلا اضافه رهييه لينا ، ركبنا فلوكه وشوفنا بعض معالم الاسماعيليه وكان في مرشد خطير مشلتت ، كلنا سمك عند حسن ابو علي وناس كلت مشويات، عملنا روود شو واحنا رايحين بس واحنا راجعين الناس كانت بتجرب اقصى سرعه للميجان تقريبا والحمد لله اننا وصلنا بالسلامه انا عن نفسي كنت ماشي 180 وفي تلاته محصلتهمش نفسي اعرف كانوا ماشيين على كام ، بشكر كل الناس اللي طلعت الايفنت بالشكل العالمي ده وعلى رأسهم طبعا الحداد واستاذ وائل الاسماعلاويه الجدعان قوي،
 

واخيرا احب اقول للي مجاش فاتك كتير اوي يا كابتن( ايموشن بيطلع لسانه)،
وصحيح يا جماعه الناس اللي جت وحابه تضاف عالسوشيال وده طبعا حقهم يا ريت يبعتولي انبوكس او هنا ،
وشكرا،
انتظروا المقابله القادمه ان شاء الله